Gipasidungan sa Department of Social Welfare and Development Field Office Caraga ang Lokal nga Panggamhanan sa Butuan pinaagi sa City Social Welfare and Development Department kon CSWDD atol sa gipahigayong SWD Laws Monitoring Assessment and Awarding Activity, miaging semana sa Balanghai Hotel and Convention Center, ning syudad. Gidawat sa CSWDD ang pipila ka mga pag ila sama Most Outstanding LGUs in Social Welfare and Development (SWD) Laws Monitoring; Sectoral Awards; Most Comprehensive Reports; Good Practice Awards; Most Responsive Awards; ug Most Active SWD Laws Focal Person. Ang Most Outstanding LGUs in Social Welfare and Development (SWD) Laws Monitoring gihatag sa mga LGU nga dunay taas nga nabuhat nga provisions gikan sa 33 priority SWD Laws for CY 2023 nga nag tan-aw sa datos sa CY 2022. Sa Sectoral Awards sab gihatag sa mga LGU nga dunay taas nga na comply nga provisions per sector nga gilangkuban sa Children Sector ug Family Sector sa CY 2023. Ang Most Comprehensive Reports gihatag sa mga LGU nga adunay Most Comprehensive Report sa resulta sa SWD Laws Monitoring. Samtang sa Good Practice Awards gihatag sa mga LGU nga hugtanong nagpatuman sa Good/Best Practices isip suporta sa localization sa SWD Laws. Kuha sab nila ang Most Responsive Awards nga gihatag sa mga LGU nga nagpakita og high interest, willingness, cooperation ug prompt responses samtang apil sa SWD Laws Monitoring. Lakip usab gidawat sa CSWDD ang Most Active SWD Laws Focal Person tungod sa mga personahe nga modelo sa LGU SWD Laws Focal Person/s. Gi-ila sa DSWD Field Office Caraga ang pagpaningkamot sa matag Lokal nga Panggamhanan sa rehiyon aron padayon ang pag monitor sa mga Social Welfare and Development Laws and Issuances. Kanunay ang suporta nga ginahatag ni Butuan City Mayor Ronnie Vicente Lagnada sa mga kalihukan nga dakung tabang aron mas mahimong epektibo ang pagpanerbisyo sa mga Butuanon. Ang kalihukan gitambungan sa mga LSWDOs sa tibuok rehiyon sa Caraga.