Giaprobahan na ni Mayor Ronnie Vicente Lagnada ang City Ordinance no. 7067-2024 nga maghatag og Mortuary Assistance sa mga kwalipikadong Indigent Deceased Senior Citizens sa syudad sa Butuan nga nagkantidad og 10,000 pesos. Base sa Section 3 sa nasangpit nga ordinansa makuha ang mortuary assistance sa kapikas niini apan kung wala ang kapikas pwede kining makuha sa anak, igsuon o ginikanan ug kung wala gihapon, tugutan na ang pinakaduol nga paryente pinaagi sa pagpresentar sa Special Power of Attorney kun SPA. Makuha sab ang mortuary assistance sulod lamang sa unom ka bulan subay sa gisumite nga rekisitos. Kini nga ordinansa pinasubay sa repealing sa SP Ordinance nos. 2313-2001 ug sa tanang gi-amyendahan nga ordinansa. Ang City Ordinance no 7067-2024 gipangunahan ang pagpangamahan ni City Councilor Victor Plaza ug Butuan City Vice Mayor Lawrence Fortun uban nila Liga ng mga Barangay President Gemma P. Tabada, City Councilor Cromwell Nortega, Rey Desiata, Cherry May Busa, Eduardo Gonzalez, ug Joseph Omar Andaya.