Nagbenchmark ang City Internal Audit Services Office kon CIASO kauban ang Audit Committee sa City Government of Butuan ngadto na sa City Government sa Muntinlupa, Nobyembre 7. Kini aron makita ang mga good practices sa pag audit sa mga proseso sa mga opisina sa dakbayan ug pag maintain sa mga internal controls sa City Government of Muntinlupa labi pa nga prayoridad sa dakbayan sa Butuan ang pag palig on sa internal control system para sa hapsay ug transparent nga pag dumala niini. Gi presentar sa Department of Internal Audit kon DIA ang ilang mga audit procedures, techniques ug mga plano pa niini sa pag audit. Mismong si Mayor Rozzano Rufino Biazon ang ni-abi abi sa delegasyon ug gi-presentar pud niya ang ang mga plano sa dakbayan sa Muntinlupa sa pagpalambo sa ilang mga serbisyo ug importansya sa audit para makab-ot nila kini. Ang delegasyon giubanan mismo sa City Audit Committee nga gilangkuban nila City Vice Mayor Lawrence Lemuel Fortun isip representate ni Mayor Ronnie Vicente Lagnada. Uban sab niini sila Councilors Cherry May Busa, Cromwell Nortega ug Atty. Ehrnest John Sanchez ug ang mismong City Internal Audit Services Office nga gipanguluhan ni March Belle Lor, CPA kauban ang mga CIASO Internal Auditors.