Gipahigayon ang City Health Board Special Meeting sa pagpanguna sa City Health Office kun CHO miaging semana. Gihisgutan sa tigum ang Universal Health Care kon UHC. Halapad nga diskusyon sab ang natigayon kabahin na sa Management Support Unit Composition, Technical Working Group, Konsulta Package Accreditation, lakip na ang MOA tali na sa HCPN ug sa Apex Hospitals. Makanunayon ang pag abroba ani tungod ang inisyatibo mag siguro sa dali nga access sa quality healthcare services sa tanan. Nakita usab ang kamahinungdanon sa pagpatukod og Mental Health Facility. Ang mga miyembro nagpaabot nga kinahanglan adunay dedicated facility nga makahatag sa gikinahanglan nga suporta ug tabang sa mga indibidwal nga nag atubang sa mental health issues. Gitan-aw usab sa mga miyembro ang mga pamaagi sa paggahin sa pundo aron mapa usbaw ang healthcare services sa syudad. Gituki sa grupo ang Clinical Practice Guidelines aron makahatag og mas maayo nga pag amuma sa mga pasyente. Ang Lokal nga Panggamhanan sa pagpanguna ni Butuan City Mayor Ronnie Vicente Lagnada magsiguro nga hingpit nga mahatag ang kalidad nga healthcare services sa tanang sektor sa syudad. Gipangunahan nila Konsehal Eduardo Gonzalez, Chairman sa Committee on Health and Sanitation kauban si Dr. Hendry Plaza, Hepe sa City Health Office ang panagtigum. Anaa usab ang presensya sa mga personahe sa Department of Health - Caraga ug ni Dr. Crystle Cotingting, Healthy Learning Institution Focal sa DOH Health Promotion Bureau.