Napili sa LGU Butuan pinaagi ni Mayor Ronnie Vicente Lagnada nga mopahigayon og benchmarking activity sa Davao City tungod usa kini sa syudad nga malampusong nagpatuman og underground cabling projects ug coastal bypass road. Kini usa sa stratehiya aron makab-ot ang pagpalambo sa city’s highways ug roads nga dunay kumpletong features sama sa drainage, sidewalks, loading ug unloading bays alang sa public transport, pedestrian ug bicycle facilities. Gipadala ni Mayor Lagnada si City Councilor Vincent Rizal Rosario isip Vice Chairperson sa Committee on Urban Planning and Infrastructure uban sa mga personahe gikan sa Office of the City Building Office, DPWH Caraga Regional Office XIII, Caraga State University (CSU), ANECO, Butuan SP Legal Researcher ug legislative staff ug City Mayors Office Technical staff. Gihingusgan kini ni Mayor Lagnada nga mabalhin na ang wires sa elektrisidad ug telecommunication lines sa underground aron hingpit nang makab-ot ang smart-eco city.