Misalmot ang lokal nga panggamhanan sa Butuan pinaagi sa City Planning and Development Department sa Enhanced Planned City Extension Consultation Session nga gipahigayon sa Harolds Evotel Timog Avenue Quezon City. Ang consultation session gipangunahan sa Department of Human Settlement and Urban Development nga gisalmutan sa pipila ka local goverment unit sa nasud asa usa niini ang Butuan City. Kini nga aktibidad nagtinguhang mapakita ang mga namugnang guidelines sa new settlement/towns ug Planned Unit Development PUD ug makahimo og mga palisiya ug guidelines aron makasuporta sa pagpalambo sa mga plano ug pagpatuman sa PUDs padulong sa malungtarong urban development. Kini sa pagsigurong makab-ot sa syudad sa Butuan ang kalidad nga pamuyo sa mga Butuanon nga magsugod sa pagbaton og lig-ong imprastraktura ug puluy-anan aron sa ingon mapromote ang economic growth. Gani, malampusong na presentar sa lokal nga panggamhanan sa Butuan ang Proposed Planned City Extension sa Butuan City pinaagi nila Acting City Planning and Development Officer Engr. Iris Joy Canete-Galaura uban nila Engr. Jake Bonn Dumpasan ug Errol Dominick Campos.