Mipasar ang City Government sa Butuan sa Maintenance Certificate ilawom sa ISO 9001:2015 sa natigayong duha ka adlaw nga Surveillance Audit. Kini gi-anunsyo kagabie atol sa Closing Meeting sa Conference Room 2 City Hall Building. Gikalipay ug nagpasalamat si Mayor Ronnie Vicente Lagnada uban nila Vice Mayor Lawrence Fortun ug SP Members sa paningkamot sa mga Department Heads ug Division Heads aron makab ot ang maayong resulta ug findings. Miagi sa First Audit Survellance ang tibook operations ug public administration asa nakatutok sa services ug performance ang city government sa Butuan miaging adlaw. Gikategorya ang paagi sa findings ug resulta nga kong CM- Comments pasabot nga abli kini sa mga komento, GP-Good Practice/Positive Aspects, OFI-Opportunity for Improvement, NC-B pasabot minor nonconformity ug ang NC-A major nonconformity. Mi-abiso ang Audit Team nga imintinar ang management system pinaagi sa internal auditing system, i-mintinar sab ang pagtutok sa legal ug customer ug klarong requirements lakip ngo ipadayun ang nga nasugdang management system. Importante ang audit aron ma-evaluate ang management system requirements alang sa epektibong papatuman sa ISO 9001:2015 standards ug masayran ang mga angayang palambuon sa services ug performance. Gipangunahan sa TUV Nord ang Surveillance Audit.