Naimbitahan ang delegasyon sa lokal nga panggamhanan sa Butuan sa Sycip Gorres Velayo &Co. (SGV&Co.) alang sa usa ka SGV Museum Tour ug Luncheon Meeting, kagahapon. Atol sa meeting, gipakita sa SGV ang ilang museum kung diin gisaysay nila ang kaagi sa ilang founders na gipangunahan ni Washington Z. SyCip nga usa ka-Chinese-Filipino American Accountant. Tumong nila nga motabang sa kalambuan sa nasud hilabi na ang business sector apil na ang government ug public sector. Kini subay sa ilang slogan nga "Building A Better Working World." Gilatag usab nila ang mga successful engagement dili lang sa private sectors apan lakip sa mga dagkung government agencies nga pwede magamit nga basehan para sa mga plano sa dakbayan. Gidayeg sa SGV ang City Government of Butuan sa mga lakang niini sa paggamit mismo sa data analytics tools para sa paghimo og mga dagko nga desisyon sa pagpamalakad sa dakbayan ingon man ang pag palig-on pa sa mga internal controls sa panggamhanan pinaagi sa Internal Audit transformation ug pagmugna sa City Audit Committee. Gipresentar usab ni Mayor Lagnada ang mga plano pa sa dakbayan, mga ongoing projects ug ang ubang kalihukan sa pagpalambo sa dakbayan sa Butuan. Gilauman niya ang partipasyon sa SGV uban sa ilang serbisyo nga consultancy services sa mga big ticket projects sa dakbayan. Kauban ni Mayor Lagnada ang mga myembro sa City Audit Committee nga sila City Councilors Joseph Omar Andaya, Councilor Cherry May Busa, Councilor Cromwell Nortega ug Konsehal Ehrnest John Sanchez ug ang tibuok CIASO Internal Auditors nga gipanguluhan ni Acting Department Head March Belle Lor, CPA.