Nitambong si City Education Literacy and Scholarship Office Head Rosalito Libres sa gipahigayong duha ka adlaw nga National Literacy Conference 2023 didto sa Cebu City isip representante ni City Mayor Ronnie Vicente Lagnada. Tumong sa aktibidad nga magkuha og palisiya ug rekomendasyon nga mag tabang og impluwensya, makuhaan og stratehiya o mekanismo gikan sa National o bisan paman sa Lokal nga dunay dakong papel sa pag porma sa literasiya sa nasud. Atol sa conference gihisgutan ang Infrastructure for Literacy: Physical Facilities, Infrastructure for Literacy: Digital Technology, Strengthening Intercultural and Inclusive Teaching and Learning Practices, ug uban pa. Nahatagan sab og higayon pinaagi sa usa ka plenary talk nga makuha ang input ni CELSO Head Rosalito Libres kalabot na sa Recognizing the Vital Role of Local Government Units in Literacy Development.