Pormal nga gihatagan og send-off activity ang 112 ka atleta nga mosalmot sa Batang Pinoy National Championship 2024 karong Nobyembre 23-28, 2024 sa Puerto Princesa City, Palawan. Mosalmot ang mga atleta sa mga isports sama sa Athletics, Arnis, Chess, Dance Sports, Karatedo, Muay Thai, Sepak Takraw, Swimming, Table Tennis, Taekwondo, ug Wrestling. Mipaabot og mensahe sila SK Federation President Joseph Manuel Morcilla, Konsehal Joseph Omar Andaya, isip Acting City Mayor ug Konsehal Eduardo Gonzalez alang sa mga atleta para pagpakita og suporta lakip paghatag og kadasig nga dili mahadlok ug ihatag ang ilang best para makuha ang kadaogan. Gikasigarbo sa lokal nga panggamhanan sa Butuan ang ipadala nga mga atleta sa Palawan para sa Batang Pinoy National Championship 2024 pinaagi sa CEDD ug nanghinaot nga daghan pa nga mga kabataan ang mosulod sa isports para mabansay ang ilang skills.