Nanumpa si City Councilor Cromwell Nortega isip bag-ong miyembro sa Regional Police Security and Protection Unit kun RSPU Advisory Group for Police Transformation and Development didto sa Camp Rafael Rodriguez Barangay Libertad ning syudad. Ang pagkapili kang City Councilor Nortega gumikan sa iyang pagpakita sa dakung kontribusyon, kahanas, lapad ug lawom nga pagsabot sa mga hagit diha sa komunidad. Giporma ang Regional Police Security and Protection Unit (RPSU) Advisory Group nga gilangkuban sa mga indibidwal ug grupo asa nagpaila sa kamahinungdanon sa tahas ug dedikasyon sa pagpangalagad sa katilingban sa katuyuan nga makasiguro sa seguridad sa dagkong personalidad ug establisamento nga anaa sa jurisdiction sa Butuan City ug sa tibook rehiyon sa caraga.