Andam na ang City Civil Registry Department sa ipahigayong usa ka bulan nga Free Birth Registration. Ang kasaulugan subay na sa Civil Registration Month matag Pebrero nga gi-adopt sa syudad sa Butuan pinaagi sa pag buhat og SP Ordinance No. 4427-2014 o An Ordinance Declaring February of Every Year as Free Birth Registration Month in City of Butuan, and for other Purposes. Plano sa departamento nga mag butang og lima ka evaluators panahon sa free birth registration month para mahimong paspas ang transaksyon sa mga kliyente. Saisenta ka mga kliyente ang icater matag adlaw sa departamento Lunes hangtud Biyernes sa alas otso sa buntag hangtud na alas singko sa hapon. Gibuhat ang aktibidad sa tumong nga makabaton og libre nga pag parehistro ang katawhan sa syudad labi natong mga delayed registration, financially constrained, living in rural areas, members of indigenous cultural communities, ug living in danger zone or areas prone to calamities. Gi-awhag ni City Civil Registry Department Head Amalia Que ang mga residente sa syudad sa pag-avail sa usa ka bulan nga free birth registration sunod bulan.