Gibisita sa pipila ka mga personahe sa City Business Permits and Licensing Office ang lokal nga panggamhanan sa Mandaue City aron na sa pag benchmark sa Best Practices nga anaa sa Business Permits and Licensing Office niini. Buot makita sa mga personahe ang sistema ug pamaagi sa Electronic Business Permit and Licensing Service kon eBPLS sa syudad sa Mandaue. Ang Mandaue City ang una sa mga Highly Urbanized City sa nasud nga ni adopt sa eBPLS. Personal nga gi abi-abi ni Mayor Jonas Cortes ug Atty. Lizer Malate, Department Head, Mandaue-BPLO ang mga personahe sa LGU-Butuan. Gipadayag usab sa LGU Mandaue ang mga ideya ug pamaagi nila aron makuha ang hapsay nga paghatud og serbisyo sa katawhan niini. Gidayeg sa CBPLO-Butuan ang proseso ug moderno nga sistema sa ilang transaksyon sa mga serbisyo hilabi na sa ilang pagbayad ug pagkuha og permits. Gilauman sa lokal nga panggamhanan sa Butuan sa pagpanguna ni Butuan City Mayor Ronnie Vicente Lagnada pinaagi ni Atty. Moshi Ariel Cahoy, Hepe sa BPLO-Butuan nga ma practice ang eBPLS sa syudad aron mapausbaw ang episyente ug tranparinsiya sa tanang proseso sa pagkuha ug business permit sa syudad.