Nakigpulong ang mga personahe sa City Agriculture Office ug Agriboost Project Team sa mga vegetable farmers ning syudad kagahapon. Kini aron personal madungog ang mga komento ug mga kinahanglan pang palambuon sa agrihub facility operation human kini giablihan ug gisugdan ang operasyon. Gipasabot sab ang mga mag-uuma sa pricing scheme asa makasiguro kini nga mokita og sakto tungod sa mas lig-on, plastado nga plano ug dunay sustainability. Apil sab nahisgutan ang production planning ug field monitoring aron masiguro nga makadeliver ang mga mag-uuma basi sa nasabutan. Tungod buot ni Mayor Ronnie Vicente Lagnada nga mokita og sakto ang mga vegetable farmers ug motaas ang vegetable production sa syudad, gihingusgan sa city government sa Butuan pinaagi sa City Agriculture Office nga mahatagan sa igong suporta ang mga mag-uuma pinaagi sa libreng binhi sa gulay, materyales nga magamit sa saktong pag atiman sa tanum ug technical support. Sumala sa 38 anyos nga si Freddie Pasagi, De Oro Vegetable Farmer sa Barangay Anticala dakung bentaha kanila nga dunay agriboost project sa city government sa Butuan tungod nakasiguro na kini sa iyang kita, sukwahi sa ilang naandan nga walay kasiguraduhan sa presyo pag abot sa merkado hinungdan naaghat kin inga mukomitar nga mudeliver og kamatis ug sayote. “Dako kaayo og tabang ang programa sa agriboost kay hatagan mi og seeds ug mga materyales nga magamit sa tanum dako na kaayong tabang kay mahal man ang seeds karon ug materyales sama sa plastic mulch, dako kaayong kalipay namo nga niabot ang agriboost kay masiguro na namo among halin pagikan pa namo amo nang makwenta kay sauna wala man ka kasayod nga barato na didto.”ang pamahayag ni Freddie De Oro. Usa sa konsepto sa agriboost project sa city government sa Butuan gitanum pa sa mag-uuma ang ilang gulay apan duna nay nakatakda nga presyo pinaagi sa nakalatid sa kasabutan buot pasabot nga makwenta o masayran na sa mga mag-uuma ang ilang kitaon bisan anaa pa kanila ang produkto.