Gipa ilawom sa tulo ka adlaw nga seminar-workshop sa Early Childhood Education and Development Service ang mga nagkadaiyang Child Development Workers sa syudad sa Balanghai Hotel and Convention Center, miaging semana. Ang aktibidad gisalmutan sa 71 ka Child Development Workers sa syudad. Preparasyon usab kini sa mga partisipante aron madugangan ang ilang kahanas ug maandam sila sa CDWs/CDCs Recognition. Gisiguro nga andam ang mga Child Development Workers ngadto na sa childhood education hilabi na sa health, nutrisyon, early education, ug social services development programs nga nag nag hatag og holistic nga panginahanglanon sa mga bata. Mahinungdanon nga mahibaluan sa mga CDWs ang pag develop sa psycho-social, intellectual, physical, ug emotional functioning nga nag basi sa child development concepts. Ang pag rekognisa sa kamahinungdanon sa CDWs buot tagaan og kabug-aton ni Butuan City Mayor Ronnie Vicente Lagnada tungod usa sila ka dakong papel aron mahatag ang igong development sa well being sa mga bata.