Usa ka produktibong panagtagbo sa mga opisyales sa syudad sa Butuan ang panaghisgut kabahin sa Children and Youth Welfare and Development Code. Kini atol sa ikatulong hugna sa SP Empowerment, Advocacy, Knowledge ug Services kun SPEAKS miaging semana didto sa SM City Butuan Event Center. Ang panagtagbo ug panaghisgut sa balaod nagtinguhang masabtan ang kamahinungdanon niini ug gikinihanglan ang lig-on ug lapad nga engagement sa managlahing sektor aron makaabot ang balaod hangtud sa pinakalayong komunidad. Tungod niini, gilambigit sa panagtagbo ang Sangguniang Kabataan, punong barangay ug ubang partners ug stakeholders. Ang Children and Youth Welfare and Development Code gipangamahanan ni City Councilor Cherry May Busa, SK Federation President Joseph Manuel Morcilla ug kanhi SK Federation President Cynth Zephanee Nietes ilawom sa programang RACE 16:16 nga gitutukan ni Vice Mayor Lawrence Fortun. Mismong ang nasangpit nga opisyales ang nahimong host sa event uban nila Atty. Clark Jay Lim sa SP Local Research and Development Division, Atty. Shiela Marie Emata sa City Social Welfare and Development Department, Edson Alejo sa Commission on Human Rights ug Atty. Eugene Hallasgo. “We engage the public, we have them participate, and almost always ang mga produkto nga mga ordinansa namu, halos sobra katunga niana gikan sa inputs sa mga stakeholders sa mga sector nga affected sa mga experts ug sa atong mga resource person.”ang tipik sa mensahe ni VM Lawrence Fortun. Ang kalihukan suportado nila City Councilors Rey Desiata, Eduardo Gonzalez, Ehrnest John Sanchez ug Ferdinand Nalcot.