Gihatagan og mga Certified Inbred Rice Seeds ag mga rice farmers sa dakbayan sa Butuan sa pagpanguna sa City Agricultures Office. Miabot sa 8,746 bags sa binhi ang nahatag sa tinguha nga motaas ang pag adopt sa certified inbred seeds ug mominus ang production cost sa mga mag-uuma pinaagi sa paghatag niini og taas nga kalidad sa binhi. Daku ang kalipay sa mga Rice Farmers gumikan sa walay pu-as nga suporta ang gihatag kanila kini gumikan sa pagpangusog ni Mayor Ronnie Vicente Lagnada nga pahugtan ang partnership sa ubang ahensya aron masuportahan ang tanang panginahanglanon sa mga mag-uuma sa syudad sa Butuan gikan sa binhi, technical trainings, materyales ug ekipo. Katambayayong sa programa ang DA-PhilRice Agusan ubos sa programang Rice Competitiveness Enhancement Fund kun RCEF -Seeds Component Program sa Department of Agriculture luyo sa RCEF-Seed Program Republic Act 11203 o Rice Terrification Law nga migahin og 10 bilyon pesos nga pondo matag tuig alang sa mga rice farmers. Ang nasangpit nga programa gihimo aron makab-ot ang pangandoy nga makakompetensya na ang nasud sa international rice market.