Nakadawat og cash incentive ang usa ka centenarian nga taga Barangay Anticala, ning syudad. Personal nga gitunol sa mga personahe sa Lokal nga Panggamhanan ug Department of Social Welfare and Development Office - Caraga ang Cash Incentives ngadto na kang Lola Corazon Abascal nga usa ka Centenarian Awardee sa syudad. Gidawat ni Lola Corazon ang 100,000 pesos gikan sa DSWD-Caraga ug 50,000 pesos lakip Certificate of Recognition gikan sa LGU-Butuan. Ang cash incentives ihatag sa mga Senior Citizen nga nag edad 100 years old sama ni Lola Corazon. Gani, modawat usab si Lola Corazon og 5,000 pesos gikan sa LGU-Butuan para sa iyang Birthday Gift ug Christmas Gift karon bulan sa Disyembre. Ang paghatag og cash incentive sa mga Centenarian sa syudad namugna pinaagi sa SP Ordinance No. 4757-2015 o An Ordinance Establishing the Centenarian Award to Qualified Citizens in the City of Butuan and Providing Benefits and Funds Thereof. Gikalipay sa LGU-Butuan sa pagpanguna ni Butuan City Mayor Ronnie Vicente Lagnada nga miabot sa edad nga 100 anyos ang mga residente tungod mahimo kini sila og inspirasyon sa kadaghanan aron magpuyo nga himsog ug molungtad pa sa daghang katuigan. Sumala ni Konsehal Victor Plaza, Chairman sa Committee on Social Welfare nga ang paghatag sa insintibo paagi aron mapasalamatan ang mga katigulangan sa nahimung kontribusyon sa komunidad labina nga niabot sila sa maong edad.