Nagpahigayon sa usa ka simulation ang mga personahe sa City Disaster Risk Reduction and Management Office kun CDRRMO kauban ang mga partner agencies/stakeholders sa Covered Court sa Barangay Baan Km. 3, adlawng Sabado. Ang insidente usa ka Suicide attempt resulting to Mass Casualty Incident (MCI). Dunay unom ka station ang gipakita sa simulation nga naay nagkalain-lain nga sitwasyon, kini gilangkuban sa Extrication, Bandaging, BLS-CPR, Splint, Indigenous Approach, ug Rope Rescue. Ang simulation kabahin sa validation sa Gawad KALASAG 2023 asa tan-awon sa mga validators para makita kung unsa ka proactive ang CDRRMO lakip na ang partner agencies/stakeholders sa pag responde panahon sa emerhensiya. Nibisita sab sa Agusan River Base ang mga validators human sa simulation.