Nagpadayon karon ang monitoring sa City Disaster Risk Reduction and Management Office kun CDRRMO sa dakbayan sa Butuan human ang nahitabong linog adlawang Sabado. Gipahayag sa City Disaster Risk Reduction Management Office atol sa gipahigayong Press Conference kagahapon nga ginaug na sa blue alert ang alert status sa CDRRMO. Gipahibalo ang kasamtangang sitwasyon sa syudad tungod usa kini sa naapektuhan sa 7.4 magnitude nga linog nga miigo sa sidlakang bahin sa sa East HInatuan Surigao del sur. Nakapahigayon og site inspection ang buhatan kauban sa Office of the Building Official sa tanang pampublikong pasilidad, gambalay, business establishment labina sab sa mga high risk barangay aron masuta ang sitwasyon niini ug masayran kung luwas pa kining gamiton. Dunay mga natalang mga injured sa pipila ka mga tunghaan sa syudad dihang gitay og sa linog ang dakbayan adlawng Sabado. Base usab sa on-going assessment dunay mga balay nga partially damaged nga anaa sa Barangay Ong-Yiu, Bading, Tungao, Mahogany, Aupagan, Bobon ug totally damage ang usa ka balay sa Barangay Baan Riverside ug lima niini ang partially damage. Subay niini, gipahayag sab sa CDRRMO nga dunay giandam nga ayuda ang lokal nga panggamhanan sa Butuan alang sa mga pamilya nga nakaagum og damyos ang mga panimalay. Sa pipila ka mga establisamento ug pasilidad nga dunay partial damage gipahimangnuan kini sa pag obserbar sa mga damyos ug ipatuman ang safety measures sama sa safety lines o temporaryong closure hangtud irekomenda nang matubag na ang tanan. Samtang gipahibalo sab sa CDRRMO nga luwas agihan sa tanang commuters o motorista ang Magsaysay Bridge human gipahigayon sa DPWH-BCDEO ang imbestigasyon. Sa karon gihangyo sa lokal nga panggamhanan sa Butuan pinaagi sa CDRRMO ang tanan nga padayong mabinantayon.