"Maintaining is not an option, I think we need to level up every year. It is not the right time to relax since nakita nato nga number one ta this year. It is a serious challenge for us because everyone is nag tan-aw na sa ato, every move and every action na atong ginabuhat is ila pod gi-monitor kung kaya ba nila. Naa sa ato karon ang challenge on how we are going to level up kung unsa ang naa sa ato karon.” Kini ang pahayag ni City Disaster Risk Reduction and Management Office, OIC Mark July Yap human nahimong kampeon ang Butuan City sa Gawad KALASAG - Government Emergency Management kun GEM's Response Team Advance Category ning tuig. Dugang pa niya nga napili ang Butuan City tungod sa mandato ni City Mayor Ronnie Vicente Lagnada nga kinahanglan ang syudad dunay resilience in disaster management para masiguro nga matubag ang panginahanglanon sa mga residente sa Butuan kalabot sa mga emerhensiya. "We have done our best in the past few years with the leadership sa atong Mayor, Engr. Ronnie Vicente Lagnada, so he has the direction, he has the directive nga i-ensure lang nato ang resilience sa Butuan and so our office just follows that order, ug gi try nato og craft kung unsa tong mga nahuna-hunaan nga makapaayo sa syudad, which is people centered ta, kung unsa ang panginahanglanon sa mga tao mao to atong gi-considered ug gibuhatan og plano,” dugang pahayag ni Yap. Ang GEM's Category usa ka kompetisyon ilawom sa Gawad KALASAG National Awards 2023. Dinhi sukdon ang kontribusyon ug accomplishments sa emergency management ug response gamit ang mga innovative approaches, proactive and effective planning ug pagpatuman sa well-designed quality management system. Admitado si CDRRMO OIC Yap nga duna pay kinahanglan palambuon sa ilang opisina lakip na sa management bisan paman kampeon ang Butuan sa GEM's, ug giandaman na nila ni para matubag ang mga kakulangon sa tumong nga gusto nila mahimong kampeon ang Butuan pag usab sa sunod tuig. Kini ang unang higayon nga niapil ang LGU Butuan pinaagi sa CDRRMO sa GEM's category sa Gawad KALASAG ug mapasalamaton sila sa tanang mga partner offices ug agency sa nakab-ot nga kadaogan sa Butuan City.