Gipailawom sa validation ang City Disaster Risk Reduction and Management Office para sa Gawad Kalasag Special Category for Government Responders kaganinang buntag sa sa CDRRMO Conference Room. Tagsa-tagsa nga gisuta sa mga validators gikan sa Caraga RDRRMC Regional Selection Committee ang mga dokumento sa City Disaster Risk Reduction and Management Office. Gihimu ang usa ka field validation para masayran kung angayan ba kining ipadala sa National para na sa Gawad Kalasag special category nga Government Emergency Management and Response Teams kun GEMS. Gisusi sa mga validators ang organizational structure sa ALIMAT, response time labi pa nga traffic ang syudad, alternate facility ug mga MOA niini labi pa panahon adtong pandemya nga usa ang mga hotel nga gibutangan sa mga nag quarantine, ekipo sama na sa ambulance, fire truck, ug mga gamit sa mga responders, ug uban pa. Gipakita sa CDRRMO ang mga dokumento ug gitubag ni CDRRMO OIC Mark July Yap ang mga pangutana ug klaripikasyon gikan sa mga validators. Gawas sa Butuan City, nisumite sab ang Search and Rescue Agusan Sur kun SARAS sa Agusan Del Sur. Ang Gawad Kalasag nag tinguha sa pag promote ug pag rekognisa sa lakang sa lokal nga panggamhanan, NGO, ug mga pribadong indibidwal pag-abot sa pag responde sa bisan unsa nga kalamidad.