Random nga namili ang mga validators og mga personahe sa City Disaster Risk Reduction and Management Office kun CDRRMO nga mo tubag sa ilang mga pangutana kalabot na sa ilang trabaho sulod sa buhatan atol sa unang adlaw sa validation kagahapon, sa Office of the Civil Defense. Gawas sa CDRRMO, giapil sab og interview ang mga partner agencies sa buhatan nga gilangkuban sa AFP, BFP, PNP, BCPO, DepEd ug uban pa. Usa sa gitan-aw sa validators ang organizational structure sa buhatan, experience sa mga personahe lakip na ang ilang mga trainings nga na apilan. Nibisita sab ang mga validators sa nagpadayon nga konstruksyon sa Command Center sa Barangay Villa Kananga ug sa mismong opisina sa CDRRMO. Karong adlawa himuon ang simulation sa CDRRMO kauban ang partner agencies ug barangay nga ipahigayon sa Barangay Baan Km. 3 ning syudad.