Nakigsaulog ang lokal nga panggamhanan sa Butuan pinaagi sa City Disaster Risk Reduction and Management Department kon CDRRMD sa National Disaster Resilience Month 2025 pinaagi sa Kick-Off Ceremony sa may City Hall Grounds,ning syudad, kagahapon. Kini nagdala sa tema nga “LGU Butuan City: KUMIKILOS para sa Kahandaan, Kaligtasan at Katatagan.”, nga nagdasig sa matag Pilipino nga molihok isip usa ka nasud nga andam sa tanang panahon. "Busa, kinahanglan ang tanan katawhan kabahin sa solusyon. From the Barangay level down to every household. So, this Kick-off Ceremony is not just formality it is a call to action. Dapat kitang tanan is expected to be answerable. I urge everyone to treat disaster preparedness not just as a one-time activity, dili lang kay tungod NDRRM karon but as a way of life.” tipik sa mensahe ni CDRRMD Head, Mark July Yap. Kini nga selebrasyon naglambigit sa tanang sektor sa DRRM ug timaan sa padayon nga paningkamot sa pagpalig-on sa disaster resilience ug sa malungtaron nga adbokasiya alang sa luwas, andam, ug lig-on nga komunidad sa Butuan. Gikatakda usab ang daghang kalihukan sa tibuok bulan sa Hulyo sama sa disaster preparedness trainings, seminars, ug mga community drills aron palig-onon pa ang kapasidad sa katawhan sa pag-atubang sa mga natural calamities lakip mga emerhensiya.