Nangandam na ang City Civil Registry Department kun CCRD para sa libre nga pagparehistro karong bulan sa Pebrero. "Isip pag pangandam mag augment me og personnel sa evaluation ug registration kay diha ang bulto sa trabaho para ma focus or dali ra mahuman ang evaluation everyday kay ang volume sa registration ana mo abot gyud og times two sa usual nga registration" pahayag ni Acting Department Head Cresencio Bermudez, Jr, kalabot sa pangandam sa libreng rehistro sunod buwan. Gawas niini. dunay ipang butang nga mga bangko gawas sa ilang buhatan para plastar ang mga tao. Ang nasangpit nga aktibidad subay sa kasaulugan sa Civil Registration Month matag bulan sa Pebrero ug pag sunod sa nasulti nga balaod ilawom sa SP Ordinance No. 4427-2014 o An Ordinance Declaring February of Every Year as Free Birth Registration Month in the City of Butuan and for Other Purposes. Tumong sa libre nga registration nga marehistro ang mga indibidwal nga wala pa na rehistro timely man o delayed registration.