Gipasigarbo sa Caraga State University ang kalampusan nga nakab ot sa tunghaan ning bag-o. Gawas sa mga Engineering Courses, ga excel sab ang mga estudyante sa field sa Social Work. Ning bag-o, nag Top 7 ang kanhi estudyante nga si Kyle Joshua Coles nga nakakuha sa rating nga 85.80%. Butang nga gikalipay sa Department of Social Work ilawom sa College of Social Sciences and Humanities. Gibida sa Dean sa College of Social Sciences and Humanities nga si Prof. Ruth Sanchez, MA, ang hingpit nga suporta nga gihatag sa mga panginahanglanon sa mga estudyante sama sa physical needs, mga classrooms, ug laboratories. Sumala ni Prof. Sanchez nga bisan paghuman sa graduation gisiguro nila nga andam na kini para sa board exam ug gidasig nila ang mga graduates nga magpadayon og review sa tunghaan. "We support our students in terms of their needs, physical needs and of course we have the classrooms the laboratories and all of these things that extends even after graduation during the time that they are going to do their review in preparations for the board exam. So we encourage our students to have their review here in the university,” sumala ni Prof. Ruth Sanchez, MA, Dean of College of Social Sciences and Humanities. Usa sab nga suporta nga gihatag nila mao ang paghatod sa mga graduates sa test center atol na sa adlaw sa board exam. Gisiguro sab sa tunghaan nga updated ang tanang Faculty Members pinaagi sa pag apil sa National Convention para sa mga Social Workers. Ang training nag establisar sa lifestyle sa Social Works. Sumala ni Department Chairperson Prof. Desiree Gonzales pinaagi ni Rhea Lynne Estroso, OIC-Chairperson, Social Work Department nga dili malikayan ang stress nga mabati sa mga estudyante mao ang mga faculty members kanunay nga adunay simpleng kamustahan nga mahitabo. Tungod niini, gipahigayon ang KAPESTORYA pinaagi sa Psychology Department ug Guidance and Counselling Office sa tunghaan isip usa ka inisyatibo aron matabangan ang mga estudyante nga labing nanginahanglan og kaistorya nga adunay kalabotan sa personal nga kinabuhi ug sa pag eskwela. Sa karon, anaa na sa 215 Registered Social Workers ang na produce sa Caraga State University. Gipakita nila nga ang pinaka importante mao ang pag establish sa knowledge foundation ngadto na sa mga estudyante. Wala sab nila gilimitahan ang mga estudyante sa upat ka corners sa classroom apan gisiguro nila nga adunay exposure nga nahitabo tali na sa mga estudyante ug komunidad. Padayon nga gisuportahan sa Lokal na Panggamhanan sa pagpanguna ni Mayor Ronnie Vicente Lagnada ang mga lakang nga ginabuhat sa Caraga State University sa pagpangulo ni Dr. Rolyn Daguil, Caraga State University President aron padayon nga mag produce og mga maayong estudyante dili lamang sa nasangpit nga departamento apan sa tanan programa nga gi hanyag sa maong tunghaan.