Pormal nang gibuksan kaganinang hapon ang Caraga Regional Athletic Games 2024 sa Datu Lipus Makapandong Gov. D.O Plaza Sports Complex sa Patin-ay, Prosperidad, Agusan del Sur. Mipakita sa ilang tagsa ka Saludo performance ang dose ka delegado sa Caraga Regional Athletic Games (CaRAGa) 2024 nga gilangkuban sa Agusan del Norte SPARTANS, Bayugan City GREEN RANGERS, Bislig City MAROON MAVENS, Butuan City PADDLERS, Cabadbaran City COURAGEOUS CRUSHERS, Dinagat ISLANDER DRAGONS, Siargao Island D’SURFERS, Surigao City MIGHTY BLUE TITANS, Surigao del Norte PHOENIX, Surigao del Sur MAVERICKS, Tandag City GOLDEN CAPITALS, ug Agusan del Sur THUNDERS. Hugot ang suporta nga gipaabot sa lokal nga panggamhanan sa Butuan sa pagpanguna ni Mayor Ronnie Vicente Lagnada ug mga miyembro sa Sangguniang Panlungsod sa dakbayan sa mga atleta sa dakbayan. Molungtad ang Caraga Regional Athletic Games hangtud Mayo 11. (Photo courtesy: PPIO Agusan del Sur)