Nag benchmark ang Cagayan De Oro-City Scholarship Offce nga gipangunahan ni Office Head Rachel Petalcurin-Dahay sa Butuan City Education, Literacy and Scholarship Office kagahapon. Una nilang gibisita ang City Mayor's Office aron makahinabi si City Administrator Atty. Ian Sabado nga nag representa kang City Mayor Ronnie Vicente Lagnada. Nahisgutan sa ilang pag-istorya ang implementasyon nga gibuhat pag-abot sa literacy lakip na ang maayong relasyon sa LGU-Butuan tali na sa managlahing ahensya labi na sa DepEd Butuan City Division. Gipakita ni CELSO Officer-in-Charge Rosalito Libres ang mga ekipo nga gigamit para maka produce og mga learning materials panahon sa pandemya nga gipatuman ang distance learning. Plano ni Office Head Rachel Petalcurin-Dahay nga mahimong department ang ilang buhatan aron dunay sakto ug klaro nga kapadulngan ang ilang mandato labi na pag-abot sa literasiya ug mga scholarships. Gibisita sab nila ang Barangay Tungao ug Barangay Baan Km. 3 nga dunay gipatuman nga literacy program para sa mga residente nga gilangkuban sa Arm to Farm sa Barangay Tungao ug ang Project Oasis-Water Refilling Station for PWD sa Barangay Baan Km. 3. Dinhi tagsa-tagsa nga gipasabot sa mga bisita kung unsa ang matag programa ug unsay tabang nga nahatag niini sa mga residente. Daghan og nakat-onan ang taga Cagayan De Oro-City Scholarship Office human sa benchmark nga gipahigayon ug nanghinaot sila nga ila kining ma-apply sa ilang syudad.