Nagmalampuson ang gipahigayong Triathlon sa syudad sa Butuan nga gipahigayon sa milabayng weekend. Kini gisalmutan sa 239 ka Triathletes gikan sa nagkadaiyang rehiyon sa nasud apil ang tulo nga foreign nationals ug ang SEA Games 2023 Triathlon Silver Medalist nga si Kim Mangrobang nga nakahatag og kadasig sa ubang partisipante. Sa Manapa Beach Resort natigayon ang Swimming Event, gisundan sa Bike Event nga niagi sa Bancasi Rotunda paingon sa Antongalon Diversion Road balik padulong sa Bonbon padulong sa Robinsons Mall ug gipahigayon ang Run Event sa syudad sa Butuan balik sa nasangpit nga mall alang sa awarding nga gitambungan mismo ni Congressman Jose Aquino II. Sa Elite Standard nasulod sa top 3 nga finisher sila si Satar Salem sa 25-29, Eryk John Omandam sa 18-24 ug si Banjo Norte Finisher sa 30-34. Sa Overall Full Distance Top 3 Finisher sila Raymund Torio sa 35-39, Kim Mangrobang sa 40-44 ug si Kenneth Bondo sa 18-24. Sa Overall Sprint Distance nasulod sa top 3 Finisher sila Johnmicheal Lalimos sa 29 and under (Sprint), JohnWayne Ybanez sa 18-24 ug si Christoher Adrian Te sa 29 and under (Sprint). Sa Full Distance nasulod sab sa top 3 Finisher sila John Patrick Ciron sa 18-24, Usama Dimaparo sa 30-34 ug si Andrei Sajulga sa 18-24. Sa Sprint Distance nakuha sa top 3 Finisher sila Lawrence Uy sa 29 and under (Sprint), Ian Kyle Matobato sa 18-24 ug si Jacob Tan sa 18-24. Samtang sa Team Relay top 3 Finisher usab ang Tri SND Barracuda sa 25-29, Snakehead Tri-Team II sa 30-34 ug ang Team Trivengers sa 29 and under (Sprint). Atol sa kompetisyon, gisiguro sa LTTMO nga mahimung hapsay ang dagan sa trapiko, PNP alang sa seguridad sa tri-athletes, BFP alang sa pagpaulan og tubig sa mga atleta, CDRRMO ug uban pang partner agencies ug stakeholders. Nagpasalamat sab ang City Sports Office sa LGU sa Buenavista nga mitugot nga magamit ang Manapa Beach alang sa swimming event. Kini nga kalihukan kabahin sa Balangay Festival 2023 nga hugtanung gisuportahan ni Congressman Jose Aquino II ug Mayor Ronnie Vicente Lagnada pinaagi sa City Sports Office.