Personal nga gibisita ni Department of Health Secretary Teodoro Javier Herbosa ang Butuan Medical Center kon BMC ug ang Caraga State University, miaging semana. Gipakita ug gilibot nila Butuan City Mayor Ronnie Vicente Lagnada ug Congressman Jose "Joboy" Aquino II kauban ang mga City Councilors si Secretary Herbosa sa mga pasilidad ug mga serbisyo sa nasangpit nga ospital. Gibida nila Mayor Lagnada ang mga rehabilitasyon nga gibuhat sa mga pasilidad ug labi na ang mga bag-ong gamit nga equipped sa digitalization ug bag-ong sistema. "Rest assured Butuan is on the right track to build and get the best facility. If you see Secretary Herbosa, we acquired the best equipment because we wanted to be at par with the global standard.” tipik sa mensahe ni Butuan City Mayor Lagnada sa iyang pag presenta sa plano sa BMC kang Secretary Herbosa. Nakita ni Sec. Herbosa ang plano sa pag modernize, pag rehabilitate, ug ang future look sa pasilidad. Giduso usab ni Mayor Lagnada ang kamahinungdanon sa suporta gikan sa nasyunal aron makuha ang tinguha nga plano para sa ospital. Mipasalig si Secretary Herbosa sa suporta nga ihatag sa Department of Health tungod nakita nila ang structured process outcome sa ospital ug ang pag plastar sa mga pasilidad nga motabang sa pag expand sa mga serbisyo sa ospital. Ang kolaborasyon nga mahitabo tali na sa BMC ug DOH mo resulta og mas episyente nga mga serbisyong medikal ug mas advanced nga health facility. Gibisita sab nila Sec. Herbosa kauban sila Mayor Lagnad ug Cong. Aquino II ang Caraga State University asa gipakita sa ila ang plano sa pagtukod sa Caraga State University School of Medicine (SoM). Labing gikalipay sa syudad tungod maka produce og competent, service-oriented, ug ethical professionals nga maghatud og Universal Health Care sa tibuok rehiyon. Nakita ni Sec. Herbosa nga andam ang BMC para na sa Level III Hospital nga plano niini. Pinaagi sab niini mahimo na kining teaching and training hospital para sa mga Medical Interns ug mga buot mamahimung espesyalista sa Medisina labi na sa Caraga State University School of Medicine (SoM). Pareho ang commitment nila Mayor Lagnada ug Sec. Herbosa ang pag advance sa public healthcare ug ang paghatag oportunidad sa komunidad nga makakuha og taas nga kalidad sa healthcare system.