Gideklarang Overall Champion ang Butuan Dragons Inc. sa natigayong Bugsay Balangay 2025 – Nationwide Dragon Boat Club Crew Competition sa may River Park and Marina ning syudad. Midawat og Cash Prize nga 100 thousand pesos ug token ang Team sa Butuan Dragons Inc. asa personal kining gitunol nila Mayor Ronnie Vicente Lagnada, Vice Mayor Lawrence Fortun ug Congressman Jose Aquino ll. Kini atol sa gipahigayong Awarding Ceremony sa Balangay Grand Celebration sa Sports Complex Center Barangay Libertad ning syudad. First Runner Up ang Brgy. Carmen Dragon Boat Team nga midawat og cash prize nga 80 thousand pesos ug token, 2nd Runner Up ang RMMC Blue Fins nga midawat og cash prize nga 60 thousand pesos ug token ug 3rd Runner Up ang Ricspeed Davao nga midawat og 40 thousand nga cash award ug token. Ang kompetisyon nga Bugsay Balangay usa sa watersport nga nagtinguha sa kampanya aron mabati sa komunidad ang pagpalapad sa awareness ug promosyon sa pagpreserbar sa Agusan River isip ikatulo nga largest water basin sa nasud. Ang Bugsay Balangay 2025 gipahigayon sa River Park and Marina ning syudad sa Butuan isip kabahin sa selebrasyon sa Balangay Festival 2025.