Nagcourtesy call ning hapon ang Butuan Dragons kang Mayor Ronnie Vicente Lagnada sa City Mayors Office. Gipakita ug bitbit sa grupo ang mga nadaugan nga mga tropeyo ug medalya sa bag-uhay lang natapos nga 2nd Kagay-an International Dragon Boat Fiesta Race didto sa Isla de Oro, Cagayan De Oro City. Nasakmit sa Butuan Dragons ang lima ka kadaugan gikan sa unom ka kategorya. Gideklara kining Champion sa kategoryang Mixed 2000m, Champion sa kategoryang Mixed 400m ug Champion na usab sa kategoryang Open 200m. Samtang nasakmit sab niini ang 2nd Runner Up sa 24 Under Mixed 400m ug 3rd Runner Up sa 24 Under Open 400m. Tungod niini, gibansagan ang team sa Butuan Dragons nga King of Kagayan River. Gitimbaya ni Mayor Lagnada ang Butuan Dragons sa dakung kalampusan ug kadaugan sa team. Nakatakda sab nga mosalmot ang Butuan Dragons sa kompetisyon sa Malaysia sa umaabot nga bulan sa Oktubre ning tuiga.