Nahimong produktibo ang natigayong Butuan City Statistics Committee Provincial Product Accounts Workshop sa pagpanguna sa lokal nga panggamhanan sa Butuan pinaagi sa City Planning Development Department CPDD sa VCDU Convention Barangay Villa Kananga syudad sa Butuan Hunyo 19 hangtud 20. Kini sa pakigtambayayong sa Philippine Statistics Authority kun PSA. Usa sa tumong sa aktibidad nga makita ang komprehensibong hulagway sa ekonomiya sa matag probinsya aron masayran ug mapalambo ang economic planning ug policy making sa sub- regional levels asa dunay dakong kontribusyon sa pagpauswag sa ekonomiya sa dakbayan. Pinaagi sab niini, masayran ang mekanismo sa pagtigum sa datus sa Gross Domestic Product ug ubang economic accounts sa sub-regional levels. Sumala sa CPDD pinaagi sa Research and Development Division isip BCSC secretariat magpadayon ang partnership tali na sa mga partner agencies ug mga institusyon alang sa komprehensibo ug lig on nga komitiba nga naghatod sa serbisyo isip katambayayung sa city government sa Butuan. Kabahin sab sa aktibidad ang PSA Central Office nga mihatag sa expertise ug pagpalapad sa konsepto ug proseso sa proyekto kalabot sa PPA.