Mi-abot sa trayntay tres ka Grade-10 students kauban ang mga coaches gikan sa managlahing tunghaan sa syudad ang misalmot sa City-Wide Pop Quiz, adlawng Biyernes, sa may City Hall Lobby, ning syudad. Nasakmit ni Ralph Jason Bonane gikan sa Butuan City School of Arts and Trades ang 1st Place sa City-Wide Population Quiz. Gidawat ni Ralph Jason kauban ang coach niini nga si Ryan Valencia ang plaque, certificate ug cash prize sa nasangpit nga kadaugan. Second place si Gwynevier Ocay gikan sa Agusan National High School ug third place si Levy Joy Alpeche gikan sa Doongan Integrated School. Nadawat sab nila ang cash prize, certificate ug plaque. Dunay tulo ka kategorya ang nasangpit nga pop quiz nga gilangkuban sa Easy Round, Average Round ug Difficult Round nga naka focus ang mga pangutana sa populasyon, current events, lakip na ang sa gender and development. Gipangunahan ang aktibidad sa City Population Office kauban ang Department of Education-Butuan, Philippine Statistics Authority-Caraga, ug City Planning and Development Office.