Pormal nga gitunol sa taga National Commission for Culture and the Arts ang Logo sa Cinema Rehiyon sa Butuan City isip mamahimong host sa 17th Cinema Rehiyon ning tuig. Ang Cinema Rehiyon usa ka flagship project sa NCCA nga naghatag og oportunidad sa mga regional filmmakers, first timers, veterans, amateurs, ug mga professionals nga mapakita ang ilang film sa katawhan. Kini sab ang mamahimong paagi para ma promote pinaagi sa usa ka film ang istorya o kaha kultura sa usa ka rehiyon. Gipasalig ni NCCA Head Butch Ibañez nga mo tabang ang NCCA lakip na sa paggiya sa syudad para mahimong malampuson ang 17th Cinema Rehiyon. Sa mensahe nga gipaabot ni City Mayor Ronnie Vicente Lagnada pinaagi kang Konsehal Reynante Desiata, mapasalamaton ang lokal nga panggamhanan sa Butuan sa gihatag nga responsibilidad sa NCCA isip host sa 17th Cinema Rehiyon. Anaa sa Cinema Rehiyon Turn-over ug Launching sila Konsehal Cherry May Busa, Konsehal John Gil Unay, Konsehal Eduardo Gonzales, Konsehal Victor Vicente Plaza, mga partner agencies ug academe.