Pormal nang gi endorso sa lokal nga panggamhanan sa Butuan pinaagi ni City Mayors Consultant Ma. Kristina Cassion ang Butuan City Local Public Transportation Route Plan sa tuig 2022 hangtud tuig 2025 kun LPTRP 2022-2025 ngadto sa Land Transportation Franchising and Regulatory Board Caraga Regional Office kagahapon. Gidawat kini ni OIC Regional Director Jhorgene Paronia, MPA uban ni Emmanuel Ian Premiro, OIC CTDO. Tumong sa pag turn over nga masumite na ngadto sa Central Office o Department of Transportation pinaagi sa LTFRB Caraga aron maaprobahan ug hingpit nga mapatuman sa syudad sa Butuan. Tungod niini, mapasalamaton si OIC Regional Director Paronia kang Mayor Ronnie Vicente Lagnada nga migahin og panahon ug nangusog aron makamugna og LPTRP alang sa kalambuan sa transportasyon sa syudad asa usa sa makabenipisyo niini ang mga kooperatiba sa syudad ug ang mga commuters alang sa mas komportableng byahe ug plastadong transportasyon. “Mapasalamaton atong opisina perhaps ang mga cooperatives dinhi sa Butuan kay this is a condition man gyod sa ilang paglaunch sa modernized units kining local public transport route plan but this isubmit pa namo ni sa central office sa department of transportation kay sa cities and provincies sila man ang muapproved sa LPTRP.” Sumala ni OIC Regional Director Jhorgene Paronia, MPA. “Dako gyod atong pasalamat kang Mayor Ronnie Vicente Lagnada nga nangusog nga mahuman na kining LPTRP kini subay sa kamanduan sa DILG ug DOTr asa ang tanang local government unit mupagawas gayod sa LPTRP so kani naapproved naman sa CDC mao nang naendorsed na nato sa LTFRB.” Pahayag ni Ma. Kristina Cassion, CMO Consultant. Sa panahon nga mahatag na sa DOTr Central office and Certificate of Compliance, i-adopt usab ang LPTRP sa Sangguniang Panlungsod pinaagi sa usa ka Ordinansa. Gihingusgan ni Mayor Lagnada nga makabaton na gayod og LPTRP ang dakbayan sa Butuan aron matubag ang panginahanglanon sa katawhan kabahin sa usa ka episyente nga sistema sa transportasyon nga usa ka daku nga component sa pagkab ot sa vision sa dakbayan sa Butuan.