Malampusong natapos ang Butuan City Inter-Collegiate Sports Competition sa dakbayan sa Butuan. Gi-apilan kini sa mga pribadong tunghaan sa kolehiyo sa dakbayan nga nagtigi sa dulang Badminton, Basketball, Chess, table tennis, ug pickleball. Gipasidunggan sa lokal nga panggamhanan sa Butuan pinaagi sa City Education Development Department ug CHED Caraga ang mga midaug sa nagkadaiyang sports nga gipahigayon sa Robinsons Place Butuan. Nakadawat ang mga midaug og medals ug cash prize. Tumong sa mga padula nga mapakita ang importanteng mga skills sama sa dedikasyon, sakripisyo, teamwork, integridad ug paghigalaay. Ang Butuan City Inter-Collegiate Sports Competition kabahin sa selebrasyon sa Balangay Festival.