Gidawat sa Butuan City ang pasidungog gikan sa Department of Health - Caraga atol na sa gipahigayong Bakuna Champion Awards miaging semana. Nakuha sa syudad ang Plaque of Recognition human naabot sa syudad ang High Coverage nga niabot sa 120.69% ang nabakunahan sa MR-bOPV SIA Campaign. Ang kalihukan usa ka regionwide nga pag-ila sa mga partners ug harmonized awarding sa tanang stakeholders niini. Tumong sa aktibidad nga matagaan og pag ila ang dedikasyon ug kontribusyon sa partner stakeholders sa DOH-Caraga. Lakip sab nga gidawat ni Dr. Hendry Plaza ang Plaque of Appreciation tungod sa commitment ug pagpanguna sa City Health Office aron mapadali ang kampanya sa Resbakuna sa kampanya sa Covid-19 Vaccination. Padayon ang commitment sa LGU-Butuan sa pagpanguna ni Mayor Ronnie Vicente Lagnada hilabi na sa higutanan sa public health. Ang pagpaningkamot sa tanan moresulta sa luwas nga komunidad.