Gi-ila ug gipasidunggan ang Butuan City isip 5th Most Improved Highly Urbanized City sa National Level. Gidawat ni City Councilor Cherry May Busa ang pag-ila isip representante ni Butuan City Mayor Ronnie Vicente Lagnada atol sa natigayong Culmination Program sa Fiesta Haraya Creatives Festival sa pagpasiugda sa Department of Trade and Industry Caraga miaging semana sa Robinsons Mall syudad sa Butuan. Kini base sa talagsaong pagpasiugda sa Butuan City aron makuha ang pagtaas sa ekonomiya, pag adopt sa sa episyenteng public service innovations ug pagpatuman sa nagkadaiyang infrastructure projects alang sa kalambuan sa dakbayan sa Butuan. Ang recognition usa ka testamento sa paningkamot sa city government sa Butuan sa kadumalahan ni Mayor Lagnada nga mamahimong competitive sa paghatod sa malungtarong urban development hangtud sa barangay level.