Aprobado na ni Mayor Ronnie Vicente Lagnada ang Butuan City Electronic or Digital Signature Ordinance o ang City Ordinance no. 6946-2023 nga pag institutionalize sa pagamit sa Electronic o Digital Signature sa mga Electronic Documents sa City Government sa Butuan subay sa gihatag nga guidelines ug probisyon. Kini nga digital transformation usa sa paagi alang sa pagpromote sa paperless ug paspas nga transactions sa tanang buhatan sa City Government sa Butuan pinaagi sa pagpatuman sa online payment gamit ang mga application sama sa paymaya ug uban pa. Kini nga ordinansa subay sa Republic Act no. 8792 o mas naila sa Electronic Commerce Act of 2000 nga naghatag sa legal nga pag-ila sa electronic signatures ug electronic documents. Nagpasabot sab kini sa pagpatuman sa striktong rekisitos ayha mamahimong kwalipikado ang electronic signature isip handwritten signature. Base sa Section 4 sa Executive Order no. 10 series 2009 mandato sa tanang government agencies ug instrumentalities sa pagmugna og electronic services sa mga kliyente nga makagamit og digital signatures pinaagi sa e-government services sa makasiguro sa confidentiality, authenticity, integrity ug non-repudiation sa electronic transactions sa government. Subay niini gitahasan ang City Information Communication Technology Office kun CICTO sa pag mugna o develop og platform asa dunay kakapas sa pag beripika sa authenticity sa digital signatures sa mga uploaded nga dokumento. Kinahanglan usab nga ang software dunay abilidad sa pag beripika sa validity ug integridad sa digital signatures, makacheck sa identity sa nagpirma ug makasiguro nga ang pirmadong dokumento dili tampered. Nakalatid sab sa ordinansa nga ang CICTO mao ang responsable sa pagsiguro nga ang software regular updated ug properly functioning aron mamintinar ang integridad ug validity sa digital signatures ug isiguro niini nga ang tanang data ug impormasyon nga anaa sa platform dunay confidentiality ug protektado. Giklaro sab sa ordinansa nga ipailawom sa pagbansay ang empleyado alang sa saktong pagamit sa software aron makasiguro sa hapsay nga pagpatuman sa digital signatures. Gipangunahan ni City Councilor Cherry May Busa ang pagpangamahan sa ordinansa isip committee chairperson sa Science and Technology uban nila Konsehal Joseph Omar Andaya, Vincent Rizal Rosario, Rey Desiata, John Gil Unay, Cynth Zephanee Nietes, Victor Plaza, Arturo Gado ug Cromwell P. Nortegai sip mao usab ang Acting City Vice Mayor sa pag aprobar sa tibook pwersa sa ordinansa sa hugot nga suporta ni Butuan City Vice Mayor Lawrence H. Fortun.