Nibisita ang Butuan City Education, Literacy and Scholarship Office sa Cagayan De Oro City para sayron ang mga best pratices sa ilang scholarship program kagahapon. Nanguna si OIC Rosalito Libres sa pag benchmark asa gidiskusyunan nila Richel Petalcurin-Dahay, head sa CDO City Scholarship Office ang Implementing Rules and Regulations kun IRR sa programang pa iskolar sa LGU-Cagayan De Oro labi pa nga IRR na lang ang kulang para ma fully implement na ang programa dinhi sa syudad sa Butuan. Napili sa CELSO nga sa Cagayan De Oro mag benchmark tungod nanguna ang syudad sa pag implementa sa scholarship program lakip na nga daghan na sila og na produce nga mga graduates tungod sa programa. Katuyuan sa inisyatibo nga magiyahan ug mapalapdan pa ilang nasayran kalabot na sa scholarship program para hapsay kini nga ma implementa ug molungtad sa pipila ka mga ka tuigan. Mapasalamaton si Libres tungod gihatagan sila og higayon sa LGU-Cagayan De Oro sa pagpanguna ni City Mayor Rolando Uy nga mag benchmark ug magkuha og mga ideya sailang CDO City Scholarship Office.