Giproklamang bag-ong Mindanao Island Public Relations Officer si Butuan City Councilor Cromwell Nortega sa Philippine Councilors League para sa 2023-2025 sa Marriot Hotel Grand Ballroom Ceremonial Hall Manila. Subay niini, mipasalig ang konsehal sa hugot nga suporta sa tanang programa ug kalihukan sa PCL alang sa padayong kalambuan nga langkuban sa tibook pwersa sa organisasyon asa usa sa makabenipisyo ang katawhang Butuanon pinaagi sa seryoso ug tinud-anay nga serbisyo. Mapasalamaton si Konsehal Nortega sa suporta ni Mayor Ronnie Vicente Lagnada, Congressman Jose Aquino II, Vice Mayor Lawrence Fortun, mga kaubanang konsehales sa PCL-Butuan Chapter ug kang RCC John Paul Pimentel. Mahinumdumang nanumpa si Konsehal Nortega isip National Executive Officer ug Interim President sa Philippine Councilors League Butuan Chapter miaging tuig.