Nisalmot ang mga personahe sa Butuan City Cooperative and Development Office sa tulo ka adlaw nga 4th Regional Cooperative Congress nga gipahigayon sa Philippine Gateway Hotel, Surigao City. Managlahing mga kooperatiba ang nitambong nga nag gikan sa rehiyon sa Caraga ug gibida ang ilang mga produkto. Makita sab sa aktibidad ang presensya sa mga Local Chief Executives gikan pa sa kasikbit nga munisipyo, syudad ug probinsya isip pag suporta sa aktibidad. Nag sugod ang kalihukan niadtong Oktobre 11, 2023 ug gilauman nga matapos ugmang adlawa, Oktobre 13. Ang aktibidad subay na sa kasaulugan sa Cooperative Month.