๐๐จ๐ง๐จ๐๐ก ๐๐๐ง๐ฌ ๐๐ข๐ ๐ฃ๐ฅ๐๐๐๐ก๐ฆ๐๐ฉ๐ ๐๐๐ก๐ ๐จ๐ฆ๐ ๐ฃ๐๐๐ก ๐ฎ๐ฌ๐ญ๐ต-๐ฎ๐ฌ๐ฎ๐ด, ๐๐๐ฃ๐๐๐๐ง๐ ๐จ๐ ๐๐๐ฃ๐๐ฆ๐๐๐ข๐ง ๐๐ก๐ ๐ง๐๐ก๐๐จ๐๐
December 09 2024, Monday 07:47 AM
โBuilding Sustainable Communitiesโ Kini ang tumong ug tinguha sa Butuan City Comprehensive Land Use Plan kun CLUP alang sa tuig 2019 hangtud 2028.
Malampusong napresentar sa City Planning and Development Department ang CLUP 2019-2028 sa pagpanguna ni Acting City Planning and Development Coordinator Engr. Iris Joy Caลete-Galaura sa mga National Government Agencies, Financial Institution o Business Sector, Academe ug Civil Society Organizations kagahapon didto sa Watergate Pavilion ning syudad.
Dinhi usa-usa sab nga gilatag ni Mayor Ronnie Vicente Lagnada sa mga bisita ang dagkong proyektong nahilakip nga nakahan-ay sa CLUP asa gipaningkamutang mapunduhan sa syudad sa Butuan. Kini gilangkuban sa sa Butuan Logistical Seaport, Mindanao Disaster Resource Center, Agro-Industrial Business Center, Command Center, Butuan City Police Station, Butuan City Fire Station, Butuan River and Marina Development, DOP Regional Government Center, Upgrading sa Butuan Medical Center to Level lll Hospital, Rehabilitation sa Over pass, Butuan City Center for Excellence North Campus ug uban pa.
Gani, mipadayag sa ilang suporta ang Business Sector pinaagi ni Leonardo Yu sa RALAV Corporation, Academe pinaagi ni Rev. Fr. Randy Jasper Odchigue ang bag-ong FSUU President ug Regional line Agencies pinaagi ni Director Gemima Olam sa NEDA Caraga.
Suportado ang programa ni Congressman Jose S. Aquino ll nga girepresentahan ni District Head Atty. William Christian Dela Cruz ug City Councilor Atty. John Gil Unay.
Samtang sa pagtapos sa aktibidad mihatag ug mipakita sa suporta ang tanang partisipante pinaagi sab sa digital commitment wall signing alang sa daghang umaabot nga kalambuan sa syudad sa Butuan.
NEWS ARTICLES