Gi-presentar na sa City Planning and Development Department sa 86 Punong Barangay ang Butuan City Comprehensive Land Use Plan tuig 2019 hangtud 2028 sa Watergate Pavilion Nobyembre 11. Mahinumduman ang CLUP 2019-2028 naaprobahan adtong Hulyo 21 tuig 2023 ug nahimo kining epektibo adtong bulan sa Pebrero 28 tuig 2024 human kini naka comply sa publication requirements. Ang syudad sa Butuan dunay 82,686 ektaryang land area ug mukabat na sa 400,000 ka Butuanons ang nagpuyo niini. Hinungdan gisiguro ni Mayor Ronnie Vicente Lagnada nga anaa sa insaktong plano ang pagamit sa luna sa syudad sa Butuan tungod ang syudad nabutang kini isip strategic center sa Caraga ug nahimong hub alang sa value ug supply chain. Subay niini, misaad ang tanang punong barangay sa syudad nga mosuporta sa pagpatuman sa CLUP tungod naglantaw kin isa kaayuhan sa kinatibuk-an. Suportado nila City Councilor Joseph Omar Andaya isip representante ni Mayor Ronnie Vicente Lagnada ang kalihukan uban ni City Councilor Rey Desiata ug Liga ng mga Barangay President Gemma Tabada. Atol sab sa kalihukan nagpahigayon og Exhibit sa Augmented Reality Sandbox sa Geo-Safer Agusan Project ang mga Geodetic Students sa Caraga State University ug lakip sab gi-exhibit ang journey sa Agriboost Project.