Mi abiso ang buhatan sa City Agriculture and Veterinary Department kon CAVD nga abli ang ilang buhatan sa padayon nga pagtanyag og mga serbisyo nga mamahimong makabenepisyo ang mga binuhing hayop sa syudad. Mo kapon ug mo laygit ang mga personahe sa CAVD matag adlawng Miyerkules lamang apan mamahimong magpa schedule daan aron matagaan og instruksyon ug sa pagpahibalo sa mga gikinahanglan nga gamit ang tag-iya sa hayop. Mamahimong muadto sa buhatan Lunes hangtud Biyernes gikan alas otso sa buntag hangtud alas singko sa hapon alang sa pag schedule sa hayop o mag chat sa FB Page sa Butuan City Agriculture and Veterinary Department. Gipahinumduman ang mga residente nga magdala og binuhing hayop nga gikinahanglan nga anaa sa maayong panlawas, nag edad unom ka bulan pataas, kung lalake kinahanglan fully descended na ang testes, nabakunahan na kontra rabies ug dal-on ang vaccination card na niini.