Gideklarang kampeon ang entry nga Butuan A Story Alive sa Boom Visuals atol sa natigayong awarding sa AVP Contest sa pagpanguna sa City Tourism and Cultural Affairs Department sa City Hall Lobby miaging Biyernes. Nahimo sab nga finalist ang Selyo sa Film Trio ug Riches of Butuan sa Team 8600. Samtang napili sab nga makakuha sa consolation prize ang A Timeless Voyage sa Metanoia Creators, Discover Butuan Journey to the Past, Adventure to the Future ni Ma.Mae Bokingo ug ang Muoli nata Ngani Butuan sa TPR. Mismong si Vice Mayor Lawrence Fortun ang mitunol sa plaque, certificate ug cash award sa mga midaug. Gipakusgan sa nasangpit nga buhatan ang pagmugna sa programa alang sa pagpalapad sa promosyon sa tourism industry sa dakbayan sa Butuan nga nakasentro sa kasaysayan, kultura ug heritage. Pinaagi niini nga programa makita ug maila usab ang talagsaong talento sa mga Butuanon pag abot sa arts. Suportado ni Vice Mayor Fortun ang programa gani gidasig niini ang tanan pwedeng ipromote ang Butuan pinaagi sa pagkuha og photos o video sa mga tourist sites og ipost sa nagkadaiyang digital platforms. Samtang, gilusad sab ang Tourism New Digital Platforms sama sa TikTok, Instagram, youtube channel ug city tourism website alang sa promosyon sa dakbayan ug pagpataas sa tourist arrival sa Butuan City.