Nadawat na sa mga miyembro sa Butuanong Arnis Team ang Sports Achievers Incentives gikan sa LGU Butuan pinaagi sa City Sports Office kagahapon. Ang Arnis Team gilangkuban nila Rhanny James Bagaipo nga nakadawat og 50,000 pesos, Kristine Pecatoste nga nakadawat og 30,000 pesos, Gerald John Mesa ug Remichael Almodiel nga nakadawat og tag 20,000 pesos kini homan midaug ang mga Butuanong atleta sa World Eskrema Kali Arnis Federation WEKAF Championship. Gihingusgan ni Mayor Ronnie Vicente Lagnada nga masuportahan ang mga Butuanong atleta aron dunay magamit panahon sa pagpangandam sa bisan unsang salmotang kompetisyon. Paagi sab kini aron madasig ang mga atleta nga makab ot ang kadaugan aron makahatag og dakong dungog sa syudad sa Butuan. Ang paghatag sa insentibo subay sa SP Resolution no. 351-2022 nga gipangamahanan ni SK Federation President Cynth Zephanee Nietes nga gi-aprobahan ni Vice Mayor Lawrence Fortun ug subay sab sa SP Ordinance no. 6169-2020 nga gipangamahanan ni City Councilor Cromwell Nortega nga gi-aprobahan ni Mayor Lagnada. Sumala sa mga atleta ang nadawatan nga insentibo ihatag nila sa ilang ginikanan aron dunay magamit sa mga panginahanglanon ug dunay magamit alang sa sunod nilang mga pagbansay isip pagpangandam sa laing kompetisyon.