Malampusong natapos ang Butuanon Language Camp nga nagdala sa tema nga Balik Pagkangyat Hong Litok Binutuanon asa natigayon sa Barangay Babag ning syudad sa Butuan, Abril 26-28. Gisalmutan kini ni Butuan City Vice Mayor Lawrence Fortun, pipila sa mga empleyado sa Sangguniang Panlungsod Butuan ug mga estudyante sa Philippine Science High School. Mismong ang Heritage Committee ug Education Committee sa Butuan Global Forum Inc. ang nanguna sa aktibidad uban sa pagtambayayong sa SOLFED-Butuan Chapter ug suportado ni Butuan City Vice Mayor Fortun. Mipadayag ug mihatag sab og suporta sa mga campers ang Barangay Babag Council sa pagpangulo ni Punong Barangay Julius Piencenaves. Napiling ipahigayon sa Barangay Babag ang Butuanon Language Camp tungod usa kini sa komunidad nga dunay 80 porsyento pa ang migamit sa Butuanong panultihon. Nagsugod adlawng Biyernes sa hapon ang kalihukan. Nagtapok sa Multi-Purpose Hall sa barangay ang mga campers nga gidalitan sa mga Butuanon Delicacies alang sa panihapon. Dayon gipa-ila ila sa mga local residence ug host families asa dinhi ipahigayon ang inside immersion - dinhi matulog, magluto ug mutuon sa kultura sa Butuanon sama sa usa ka pamilya. Mipailawom sab sa lain-laing Butuanong aktibidad ang mga campers. Ang aktibidad nagtinguha nga sa pagbalik sa trabaho ug eskwelahan sa campers batunan niining mo-engage sa Butuanon conversations aron makapadasig sa uban sa ingon hinay-hinay nga mabangon ug mabalik ang paglitok sa Butuanon Language sa bisan asa nga komunidad isip paghatag sa importansya sa kultura ug heritage sa mga Butuanon. Dungang migradwar ang mga campers apil niini si Vice Mayor Fortun. Samtang nakatakda ang laing Butuanon Language Camp karong umaabot Mayo 3-5 nga salmutan sa mga Balik Butuanon subay sa 38th Balangay Festival 2024.