Gi-ablihan kaganinang buntag ang Butuanon Food Festival sa Cityhall Grounds nga gipangunahan sa City Economic and Business Development Department kun CEBDD. Pito ka Micro, Small, Medium Enterprise kun MSME ang naimbitahan para ibida ang ilang managlahing produkto. Alang kang Ivy Cristy Flores, tag iya sa IVY's Food Product malipayon ug mapasalamaton siya tungod usa siya sa naimbitahan ani nga aktibidad. Ang Butuanon Food Festival gibuhat sa CEBDD sa katuyuan nga matabangan ang mga entrepreneurs nga mapadayag ang ilang produkto sa publiko. Molungtad ang aktibidad karong Biyernes, Agosto 16, 2024.